Byrjunarlið Víkings og Keflavíkur: Enginn Gylfi

Sölvi Geir Ottesen, þjálfari Víkings, gerir eina breytingu á sínu liði frá 2-2 jafnteflinu gegn Fram í síðustu umferð. Sveinn Margeir Hauksson kemur inn í liðið í stað Gylfa Þórs Sigurðssonar sem er ekki í hóp í dag. Gylfi fór meiddur af velli í hálfleik gegn Fram en Sölvi hélt þá að ekki væri nema um stífleika í vöðva að ræða.

Haraldur Freyr Guðmundsson, þjálfari Keflavíkur, gerir tvær breytingar á sínu liði frá 2-1 tapinu gegn Val í síðustu umferð. Elvis Bwomono og Mate Simicic koma inn í byrjunarliðið í stað Axels Inga Jóhannessonar og Eiðs Orra Ragnarssonar. Axel vermir bekkinn en Eiður Orri er ekki í hóp þar sem hann var lánaður til Keflavíkur frá Víkingi.