Enska úrvalsdeildarfélagið Watford hefur fest kaup á Imran Louza frá franska félaginu Nantes. Hann gerir sex ára samning við Watford.
Louza, sem er 22 ára gamall, er miðjumaður að upplagi en hann skoraði sjö mörk og lagði upp þrjú fyrir Nantes í frönsku deildinni á tímabilinu.
Hann gerir sex ára samning við Watford sem tryggði sig upp í úrvalsdeildina á dögunum.
Watford greiðir um 8,7 milljónir punda fyrir leikmanninn en þetta eru fyrstu kaupin hjá félaginu í sumar.
Ashley Fletcher er einnig á leið til félagsins á frjálsri sölu frá Middlesbrough en hann mun ganga til liðs við félagið um næstu mánaðarmót.
Athugasemdir