Manchester United er búið að staðfesta að Jesse Lingard verður ekki áfram hjá félaginu á næsta tímabili.
Lingard mun því yfirgefa herbúðir Man Utd og fá frelsi til að semja við hvaða félag sem hann lystir í sumar.
West Ham hefur áhuga á Lingard, enda gerði hann góða hluti að láni hjá félaginu í fyrra. Þessi 29 ára miðjumaður á 232 leiki að baki fyrir Rauðu djöflana og í þeim hefur hann gert 35 mörk.
Lingard gerði níu mörk í sextán leikjum þegar hann var lánaður til West Ham í fyrra og reyndi Newcastle United svo að krækja í leikmanninn síðasta janúar.
It was all a dream...
— Manchester United (@ManUtd) June 1, 2022
❤ @JesseLingard#MUFC pic.twitter.com/WVw21VuXUO
Athugasemdir