Emery: Síðasta leiktíð skiptir ekki máli

Aston Villa skapaði sér varla færi í 0-1 tapi gegn Englandsmeisturunum þar sem Bukayo Saka skoraði eina mark leiksins af stuttu færi á 59. mínútu. Emiliano Buendía átti bestu marktilraun Aston Villa sem kom í fyrri hálfleik, en skaut í slána. Hefði hann skorað er ólíklegt að markið hefði talið vegna mögulegs brots á Martin Ödegaard í aðdragandanum.

„Það er sárt að tapa en við gáfum þeim góðan leik. Við sáum nokkur ný andlit sem stóðu sig vel, ég er mjög ánægður með nýju leikmennina sem félagið er búið að kaupa í sumar," sagði Emery að leikslokum.

„Við spiluðum við besta lið deildarinnar á meðan við erum lið í enduruppbyggingu. Það er margt jákvætt við frammistöðuna í þessum leik."

Aston Villa er án stiga eftir tvær fyrstu umferðir nýs deildartímabils, en liðið byrjaði einnig illa á síðustu leiktíð.

„Við verðum að snúa genginu okkar við, það skiptir engu máli hvað gerðist á síðustu leiktíð. Við verðum að einbeita okkur að því sem er að gerast í nútíðinni, við megum ekki bera það saman við fortíðina. Ég er bjartsýnn þó að við séum ekki komnir með stig eftir tvær umferðir. Það eru 38 leikir á einu tímabili."

Taylor Harwood-Bellis og Ibrahim Mbaye eru á leiðinni til félagsins og var Harwood-Bellis meðal áhorfenda í stúkunni í gær.

„Við erum að reyna að byggja liðið upp eins hratt og við getum og samt er okkur að takast að ná í svona góða leikmenn. Ég held að hópurinn sem við erum með núna sé góður. Mér líður betur eftir þessa frammistöðu, við gáfum Arsenal alvöru leik. Ef við spilum svona í næstu leikjum þá munum við gera vel."

TENGT EFNI31.08.26 - 23:50

Arteta: Erum að reyna að styrkja hópinn