Bianca Serra og Sandra Stephany Mayor eru búnar að undirrita nýja samninga við Íslandsmeistara Þór/KA og munu leika með félaginu út næsta sumar hið minnsta.
Halldór Jón Sigurðsson, þjálfari Þórs/KA, er hæstánægður með að halda þessum lykilmönnum, en Bianca og Sandra Stephany, borgarstjórinn, spila báðar fyrir mexíkóska landsliðið. Sandra varð markahæst í Pepsi-deildinni í sumar.
Halldór Jón Sigurðsson, þjálfari Þórs/KA, er hæstánægður með að halda þessum lykilmönnum, en Bianca og Sandra Stephany, borgarstjórinn, spila báðar fyrir mexíkóska landsliðið. Sandra varð markahæst í Pepsi-deildinni í sumar.
„Það er mjög sterkt að halda báðum þessum leikmönnum. Þær stóðu sig afbragðs vel í sumar, bæði inni á vellinum og fyrir utan," sagði Halldór eftir að samningarnir voru undirritaðir á veitingahúsinu Bryggjunni.
„Við viljum helst halda öllum okkar leikmönnum, það er stefnan að þær mæti aftur í janúar og taki meirihlutann af undirbúningstímabilinu með liðinu."
Bianca og Sandra segja það hafa verið auðvelda ákvörðun að framlengja samninginn því þeim líður afar vel á Akureyri.
„Akureyri er eins og okkar annað heimili og fólkið hjá Þór/KA hefur tekið okkur eins og hluta af fjölskyldunni," voru Bianca og Sandra sammála um.
Athugasemdir