Daði er uppalinn Haukamaður og spilaði með meistaraflokki félagsins frá 2015 til 2019. Hann ákvað að leggja skóna á hilluna, en dró þá fram aftur 2020 og byrjaði að sprikla með KÁ, venslafélagi Hauka.

Hann spilaði með KÁ í 4. deildinni 2020 og síðasta sumar þar sem hann skoraði 11 mörk í 14 leikjum.

Daði hefur ákveðið að snúa aftur í Hauka fyrir næstu leiktíð. „Daði spilar jafnan sem framliggjandi miðjumaður og verður virkilega ánægjulegt að sjá hann aftur í aðal liði Hauka enda bindum við miklar vonir við hann," segir í tilkynningu Hauka.