Hin 17 ára gamla Amanda Andradóttir heldur áfram að standa sig vel með Vålerenga í undirbúningsleikjum í Noregi.
Vålerenga, sem vann tvöfalt í Noregi í fyrra, spilaði æfingaleik við Lyn í gær. Amanda hefur mikið verið í byrjunarliði Vålerenga á undirbúningstímabilinu.
Amanda lagði upp tvö í æfingaleik á dögunum en í gær var hún á skotskónum.
Hægt er að sjá markið neðst í fréttinni en leikurinn endaði 3-1 fyrir Vålerenga.
Ingibjörg Sigurðardóttir er einnig á mála hjá Vålerenga en hún var besti leikmaðurinn í Noregi í fyrra. Hún er á leið í sitt annað tímabil með Vålerenga. Amanda er á leið inn í sitt fyrsta tímabil með félaginu eftir að hafa spilað með Nordsjælland í Danmörku í fyrra.
Amanda, sem er dóttir Andra Sigþórssonar og frænka Kolbeins Sigþórssonar, þykir gríðarlega efnileg en hún getur valið að spila á fyrir íslenska eða norska landsliðið. Hún hefur spilað fyrir yngri landslið Íslands.
Hægt er að lesa viðtal við Amöndu hérna.
Hún heldur bara áfram að gera vel. Fyrsta markið fyrir Vålerenga hjá hinni 17 ára Amöndu Andradóttir, í æfingarleik gegn Lyn. Hefur verið að byrja í nánast öllum æfingarleikjum hingað til. Gæði. pic.twitter.com/kV6H1UxUFC
— Orri Rafn Sigurdarson (@OrriRafn) May 2, 2021
Athugasemdir