„Það er bara að svekkjandi að tapa þessum leik. Mér fannst óþarfi að tapa honum, við fengum fullt af góðum færum, sköllum í samskeytin og frábær markvarsla í nokkur skipti og við erum vanir að nýta þessi færi aðeins betur,“ sagði Sigurður Ragnar Eyjólfsson annar af þjálfurum Keflavíkur eftir 1-0 tap Keflavíkur gegn Víkingum fyrr í kvöld.

Lestu um leikinn: Víkingur R. 1 -  0 Keflavík

Fyrri hálflekur hjá Keflavík í kvöld verður að teljast slakur en þeir bitu í skjaldarrendur og komu ákveðnari til leiks í þeim síðari þó tap hafi orðið niðurstaðan.

„Já við vorum seinir í gang og á móti vindi. Víkingarnir eru líka mjög góðir í að halda boltanum eitt besta lið deildarinnar í því og við vorum í erfiðleikum með að klukka þá. Þeir spiluðu mjög vel og spiluðu hratt á milli sín. En við gátum samt gert betur oft á tíðum.“

Talsvert er um meiðsli í herbúðum Keflavíkur en um það sagði Siggi.

„Það vantar alltaf einhverja og vantar hjá þeim líka og þannig er bara fótboltinn. Það eru yfirleitt 2-3 meiddir og þeir sem fá tækifæri í staðinn verða bara að standa sig og menn svara með frammistöðu inn á vellinum. VIð reynum bara að læra af þessum leik og gera betur í þeim næsta.“

Sagði Siggi Raggi en allt viðtalið má sjá hér að ofan.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit