Sá óvenjulegi atburður átti sér stað á sunnudagsgetraunaseðlinum að sami tipparinn var með alla leikina 13 rétta á tveimur getraunaseðlum.
Tipparinn, sem styður Þrótt Reykjavík, fékk því í sinn hlut tvöfalda vinningsupphæðina eða rúmlega 700 þúsund krónur.
Tveir tipparar voru með 13 rétta á enska getraunaseðlinum síðastliðinn laugardag.
Annar þeirra, sem er úr Skagafirði, fær rétt rúmlega 2 milljónir í sinn hlut með aukavinningum. Þá fékk Árbæingur tæpar 1.8 milljónir fyrir spásannindi sín.
