Miðjumaðurinn Olivier Ntcham hefur yfirgefið herbúðir Celtic í skosku úrvalsdeildinni.
Þetta staðfesti leikmaðurinn sjálfur á Instagram í gær en hann spilaði með Celtic í þrjú og hálft ár.
Lið á Englandi hafa sýnt þessum 25 ára gamla leikmanni áhuga en hann var lánaður til Marseille í janúar í fyrra.
Ntcham er nú samningslaus og ákvað ekki að framlengja og er því frjáls ferða sinna.
Ntcham kom til Celtic frá Englandi árið 2017 en hann var þá á mála hjá Manchester City.
Marseille gat fengið leikmanninn endanlega í sumar en ákvað að nýta sér ekki þann möguleika.
Athugasemdir