Tyrkneska félagið Besiktas staðfesti í kvöld komu Miralem Pjanic frá Barcelona en hann gerir eins árs lánssamning.
Þessi 31 árs gamli miðjumaður kom til Barcelona frá Juventus á síðasta ári í skiptum fyrir brasilíska miðjumanninn Arthur.
Hann náði aldrei að sýna sitt besta í treyju Börsunga í þeim 30 leikjum sem hann spilaði fyrir félagið.
Bosníumaðurinn hefur reynt að fá sig lausan í sumar og tókst það í kvöld þegar hann skrifaði undir eins árs lánssamning við Besiktas í Tyrklandi.
Besiktas fær ekki forkaupsrétt á Pjanic en mun greiða 2,7 milljónir evra í launakostnað.
Athugasemdir