Ronald Koeman, stjóri Barcelona, var verulega ánægður í gær eftir 3-0 sigur liðsins á Celta Vigo í spænsku úrvalsdeildinni. Liðið er með fullt hús stiga eftir tvo leiki.
Barcelona var í miklum vandræðum á síðustu leiktíð og ákvað að lokum að segja skilið við stjórann Quique Setien - Koeman tók við keflinu í kjölfarið.
Koeman hrósaði sínum mönnum eftir sigurinn í gær en vildi lítið tjá sig um metnað leikmanna liðsins undir stjórn Setien.
„Við gerðum mjög vel og ég er verulega stoltur. Við höfum verið mjög agaðir og sköpuðum góð tækifæri. Ég er mjög ánægður," sagði Koeman.
„Það var mikilvægt að tala við liðið um leikkerfið í hálfleik. Við höfum verið mjög þéttir. Að lokum þá eru þessi úrslit sanngjörn."
„Ég get ekki tjáð mig um hvað gerðist á síðasta ári. Ég hef séð þessa leikmenn og þeir eru hungraðir. Þeir hafa æft mjög stíft, þeir eru eins og lest."
„Í dag sýndu þeir það allan leikinn, á öðrum velli og við erum í mjög góðu líkamlegu standi."
Athugasemdir
