Æfingaleikur: ÍBV kom til baka gegn Gróttu

Grótta tók á móti ÍBV í æfingaleik á Vivaldivellinum í gærkvöldi.æ Gróttuliðið er á leið í sitt annað tímabil í Lengjudeildinni í sumar á meðan ÍBV leikur í Pepsi Max deildinni.

Gróttukonur byrjuðu vel og komust 2-0 yfir eftir sjálfmark frá varnarmanni ÍBV og þá skoraði Diljá Mjöll Aronsdóttir beint úr horni. ÍBV komst betur inn í leikinn þegar leik á hálfleikinn og minnkaði Viktorija Zaicikova muninn áður en Þóra Björg Stefánsdóttir jafnaði.

Þóra skoraði annað mark í seinni hálfleik sem tryggði ÍBV sigurinn en Grótta var nálægt því að jafna metin rétt fyrir leikslok.