Helgi með flautuna þegar Íslandsmeistararnir fá bikarmeistarana í heimsókn

Helgi Mikael Jónasson verður dómari á laugardag þegar Íslandsmeistarar KR taka á móti bikarmeisturum Víkings í 4. umferð Pepsi Max-deildarinnar.

Þórður Arnar Árnason og Guðmundur Ingi Bjarnason verða aðstoðardómarar í þessum stórleik umferðarinnar en Einar Ingi Jóhannsson verður fjórði dómari.

Ívar Orri Kristjánsson, dómari ársins í fyrra, dæmir leik Gróttu og HK. Þetta er fyrsti Pepsi Max leikur Ívars á tímabilinu en hann meiddist í bikarleik fyrir mót en hefur jafnað sig á þeim meiðslum.