Besta deildin: Jafntefli í fjörugum leik í Kaplakrika

FH fékk Stjörnuna í heimsókn í 13. umferð Bestu deildarinnar í kvöld. FH-ingar náðu forystunni snemma leiks. Stjörnumaðurinn fyrrverandi Adolf Daði Birgisson skoraði eftir frábæran undirbúning Kjartans Kára Halldórssonar.

Stjörnumenn voru ekki lengi að svara því Sindri Þór Ingimarsson jafnaði metin aðeins fjórum mínútum síðar þegar hann skallaði boltann í netið.

Benedikt Warén var nálægt því að koma Stjörnunni yfir en Jökull Andrésson varði vel frá honum. Stuttu síðar skoraði hins vegar Örvar Eggertsson með laglegri bakfallsspyrnu.

Aftur kom jöfnunarmark stuttu síðar en Ísak Óli Ólafsson skoraði með skalla eftir hornspyrnu og jafnaði metin fyrir FH.

Emil Atlason fékk úrvalsfæri til að koma Stjörnunni yfir eftir rúmlega klukkutíma leik en boltinn beint á Jökul. Hann fékk annað tækifæri stuttu síðar en Jökull varði mjög vel.

Stjörnumenn voru síðan hársbreidd frá því að skora beint úr horni en boltinn fór af Grétari Snæ Gunnarssyni og í slá og FH-ingar komu boltanum frá.

Kjartan Kári slapp í gegn undir lokin en Árni Snær Ólafsson varði vel frá honum.

Nær komust liðin ekki og jafntefli niðurstaðan. FH er í 11. sæti með 8 stig en Stjarnan í 6. sæti með 15 stig.