Lengjudeildin: Þróttur fór illa með Leikni

Þróttur heimsótti Leikni í Lengjudeildinni í kvöld. Þróttarar fengu draumabyrjun þegar Örn Bragi Hinriksson kom liðinu yfir strax á fyrstu mínútu.

Þorsteinn Emil Jónsson fékk dauðafæri til að jafna metin en hann skaut yfir markið.

Aron Snær Ingason bætti öðru marki Þróttar við undir lok fyrir hálfleiks eftir undirbúning Tryggva Snæs Geirssonar. Þróttarar voru ekki hættir og Kári Kristjánsson skoraði þriðja markið þegar hann skoraði á opið markið eftir að Ólafur Íshólm Ólafsson varði í slána.

Stuttu síðar var Rúrik Gunnarsson fyrir því óláni að skora sjálfsmark. Aron Snær innsiglaði síðan sigur Þróttar með sínu öðru marki og fimmta marki liðsins.

Adam Örn Arnarson klóraði í bakkann fyrir Leikni eftir darraðadans inn á teignum í blálokin.

Þróttur er í 2. sæti með 30 stig, stigi á eftir toppliði Aftureldingar. Leiknir er í 8. sæti með 19 stig.