Djed Spence í leiknum í gær
Micky van de Ven
Micky van de Ven og Djed Spence voru ekki sáttir eftir tap Tottenham gegn Chelsea um helgina.
Chelsea vann leikinn 1-0 og stuðningsmenn Tottenham bauluðu á leikmenn liðsins fyrir frammistöðuna í leiknum. Það vakti athygli að Van de Ven og Spence strunsuðu strax inn í klefann eftir leikinn og hunsuðu Thomas Frank sem virtist ekki sáttur með þessa hegðun.
Frank var spurður út í atvikið fyrir leik liðsins gegn FCK í Meistaradeildinni á morgun.
Chelsea vann leikinn 1-0 og stuðningsmenn Tottenham bauluðu á leikmenn liðsins fyrir frammistöðuna í leiknum. Það vakti athygli að Van de Ven og Spence strunsuðu strax inn í klefann eftir leikinn og hunsuðu Thomas Frank sem virtist ekki sáttur með þessa hegðun.
Frank var spurður út í atvikið fyrir leik liðsins gegn FCK í Meistaradeildinni á morgun.
„Þeir komu inn á skrifstofu til mín í gær og sögðust vilja biðjast afsökunar. Þeir vildu ekki að þetta liti illa út eða óviðrandi," sagði Frank.
„Það var ekki ætlunin gagnvart mér, liðinu eða félaginu. Þeir voru pirraðir út af frammistöðunni, tapinu og baulinu á meðan á leiknum stóð."
„Þetta þýðir að þeim sé ekki sama, þeim þykir vænt um liðið, félagið og mig í þessu tilfelli. Við spjölluðum um ýmislegt. Við höldum þessu innan félagsins. Það væri mjög óvenjulegt ef ég hendi leikmanni undir rútuna. Við erum allir mennskir og ég mun alltaf verja þá," sagði Frank að lokum.
Lucas Bergvall þurfti að fara af velli snemma leiks eftir að hafa fengið höfuðhögg. Guglielmo Vicario þurfti að skerast í leikinn þegar Bergvall brást illa við orðum stuðningsmanns eftir leikinn.
„Ég varð að verja hann þar sem hann var svolítið tilfinningaríkur. Við getum rætt þetta inn í klefa en munum ekki gera það fyrir utan," sagði Vicario.
Athugasemdir
