Tveimur fyrstu leikjum dagsins er lokið í spænsku deildinni þar sem Villarreal vann sinn annan leik í röð og er komið aftur í Evrópusæti eftir að hafa dregist afturúr í febrúar.
Villarreal tapaði fjórum leikjum í röð og datt þar með úr Meistaradeildarsæti en liðið hangir enn í Evrópudeildarsæti, með 37 stig eftir 24 umferðir.
Liðið hafði betur á útivelli gegn fallbaráttuliði Almeria í dag og vann þökk sé mörkum frá Gerard Moreno og Jose Luis Morales eftir stoðsendingar frá Samuel Chukwueze.
Mörkin komu seint í leiknum en voru fyllilega verðskulduð eftir yfirburðina sem Villarreal sýndi. Almeria situr eftir með 25 stig úr 24 leikjum, einu stigi frá fallsvæðinu.
Almeria 0 - 2 Villarreal
0-1 Gerard Moreno ('76)
0-2 Jose Luis Morales ('88)
Þá hafði Getafe betur í fimm marka fallbaráttuslag gegn Girona, sem er í eigu City Football Group.
Enes Unal skoraði tvennu og átti Borja Mayoral eitt mark og eina stoðsendingu og var staðan 3-0 fyrir Getafe í leikhlé.
Girona tók völdin í síðari hálfleik og náði að minnka muninn niður í eitt mark en komst ekki nær. Lokatölur urðu 3-2 og klifrar Getafe úr fallsæti með þessum sigri. Getafe á 25 stig á meðan Girona er með 30 stig.
Getafe 3 - 2 Girona
1-0 Enes Unal ('2)
2-0 Enes Unal ('14, víti)
3-0 Borja Mayoral ('43)
3-1 Taty Castellanos ('54)
3-2 Miguel Gutierrez ('80)
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Real Madrid | 8 | 7 | 0 | 1 | 19 | 9 | +10 | 21 |
| 2 | Barcelona | 8 | 6 | 1 | 1 | 22 | 9 | +13 | 19 |
| 3 | Villarreal | 8 | 5 | 1 | 2 | 14 | 8 | +6 | 16 |
| 4 | Betis | 8 | 4 | 3 | 1 | 13 | 8 | +5 | 15 |
| 5 | Atletico Madrid | 8 | 3 | 4 | 1 | 15 | 10 | +5 | 13 |
| 6 | Elche | 8 | 3 | 4 | 1 | 11 | 9 | +2 | 13 |
| 7 | Sevilla | 8 | 4 | 1 | 3 | 15 | 11 | +4 | 13 |
| 8 | Athletic | 8 | 4 | 1 | 3 | 9 | 9 | 0 | 13 |
| 9 | Espanyol | 8 | 3 | 3 | 2 | 11 | 11 | 0 | 12 |
| 10 | Alaves | 8 | 3 | 2 | 3 | 9 | 8 | +1 | 11 |
| 11 | Getafe | 8 | 3 | 2 | 3 | 9 | 11 | -2 | 11 |
| 12 | Osasuna | 8 | 3 | 1 | 4 | 7 | 8 | -1 | 10 |
| 13 | Levante | 8 | 2 | 2 | 4 | 13 | 14 | -1 | 8 |
| 14 | Vallecano | 8 | 2 | 2 | 4 | 8 | 10 | -2 | 8 |
| 15 | Valencia | 8 | 2 | 2 | 4 | 10 | 14 | -4 | 8 |
| 16 | Celta | 8 | 0 | 6 | 2 | 7 | 10 | -3 | 6 |
| 17 | Girona | 8 | 1 | 3 | 4 | 5 | 17 | -12 | 6 |
| 18 | Oviedo | 8 | 2 | 0 | 6 | 4 | 14 | -10 | 6 |
| 19 | Real Sociedad | 8 | 1 | 2 | 5 | 7 | 12 | -5 | 5 |
| 20 | Mallorca | 8 | 1 | 2 | 5 | 7 | 13 | -6 | 5 |
