Sporting rekur vinsælan stjóra til að ráða Fonseca

Borges hefur staðið sig gríðarlega vel við stjórnvölinn hjá Sporting en byrjunin á nýju tímabili hefur ekki verið nægilega góð. Liðið er með 21 stig úr 10 umferðum í portúgölsku deildinni - níu stigum á eftir ríkjandi meisturum Porto sem eiga fullt hús stiga.

Honum tókst að vinna portúgölsku deildina og báðar bikarkeppnirnar í landinu á einu og hálfu ári með Sporting, auk þess að koma liðinu óvænt í 8-liða úrslit Meistaradeildarinnar á síðustu leiktíð. Þar tapaði Sporting afar naumlega gegn ógnarsterku liði Arsenal, sem fór alla leið í úrslitaleik keppninnar auk þess að vinna ensku úrvalsdeildina.

Paulo Fonseca tekur við af Borges en hann er 53 ára gamall og er aðalþjálfari Lyon í dag. Sporting borgar um 3 milljónir evra til að leysa hann undan samningi þar.

Fonseca hefur áður stýrt Porto og Braga í heimalandinu, auk þess að hafa verið aðalþjálfari hjá AS Roma og AC Milan á Ítalíu. Hann hefur einnig stýrt Lille og Shakhtar Donetsk á ferlinum.

Fabrizio Romano hefur sett „here we go!" stimpilinn sinn á félagaskiptin.