Liði Sindra er spáð 10. og neðsta sæti 1.deildar í ár
Ingvi Ingólfsson tók við liðinu í haust. Þjálfarinn ungi fer með ungan leikmannahóp inn í Íslandsmótið.
Í sumar verður leikið í þremur deildum í meistaraflokki kvenna en spilað verður í Pepsi-deild, 1. deild og 2. deild í stað þess að 1.deildinni verði skipt upp í riðla og svo spiluð úrslitakeppni eins og verið hefur undanfarin ár.
Fótbolti.net kynnir liðin sem leika í 1.deildinni í sumar eitt af öðru eftir því hvar þeim er spáð. Við fengum alla fyrirliða og þjálfara í deildinni til að spá fyrir sumarið. Liðin fengu stig frá 1-9 en ekki var hægt að spá fyrir sínu eigin liði.
Fótbolti.net kynnir liðin sem leika í 1.deildinni í sumar eitt af öðru eftir því hvar þeim er spáð. Við fengum alla fyrirliða og þjálfara í deildinni til að spá fyrir sumarið. Liðin fengu stig frá 1-9 en ekki var hægt að spá fyrir sínu eigin liði.
Spáin:
1. ?
2. ?
3. ?
4. ?
5. ?
6. ?
7. ?
8. ?
9. ?
10. Sindri 27 stig
10. Sindri
Lokastaða í fyrra: 2. sæti í C-riðli 1.deildar
Sindri endaði í 2. sæti í C-riðli 1. deildar síðastliðið sumar.
Þjálfarinn: Ingvi Ingólfsson tók við liði Sindra í haust. Ingvi er 25 ára gamall Hornfirðingur. Hann er íþróttafræðingur að mennt og hefur spilað með karlaliði Sindra undanfarin ár. Hann hefur nú lagt skóna á hilluna og einbeitir sér að þjálfun kvennaliðsins í sínu fyrsta meistaraflokksstarfi.
Styrkleikar: Kjarninn í liðinu eru heimastelpur sem þekkja það að berjast fyrir liðið en í bland við það bætast við fjórir útlendingar sem og nokkrar íslenskar stelpur sem eiga eftir að styrkja liðið gríðarlega.
Heimavöllurinn er sterkur hjá Hornfirðingum en af þeim 16 stigum sem liðið fékk síðasta sumar komu 13 á heimavelli þar sem allir leikir nema einn unnust. Þær þurfa að ná að búa til samskonar gryfju á Hornafirði í sterkari deild í ár.
Veikleikar: Varnarleikurinn gæti orðið vandamál en gengi Sindra á undirbúningstímabilinu var ekkert til að hrópa húrra yfir. Liðið tapaði öllum leikjunum í Lengjubikarnum, fékk á sig 32 mörk og skoraði ekkert. Þá þarf liðið að sækja fleiri stig á útivelli en aðeins einn útisigur vannst í fyrra.
Lykilmenn: Sara Small, Chestley Strother og Shameeka Fishley.
Gaman að fylgjast með: Regielly Oliveira Rodrigues, eða Leli eins og hún er kölluð, er ungur og efnilegur leikmaður með góða tækni sem gæti blómstrað í sumar.
Komnar:
Laufey Lára Höskuldsdóttir frá Hömrunum
Alexandra Sæbjörg Hearn frá Fjarðabyggð
Erla Dís Guðnadóttir frá Hvíta Riddaranum
Sara Small frá Bandaríkjunum
Phoenetia Browne frá Bandaríkjunum
Chestley Strother frá Bandaríkjunum
Shameeka Fishley frá Englandi
Farnar:
Ingibjörg Lúcía Ragnarsdóttir til ÍBV
Sydnie Telson til Ísrael
Sigrún Salka Hermannsdóttir til Fylkis (Var á láni)
Fyrstu leikir Sindra:
14. maí Keflavík - Sindri
20. maí Sindri - Hamrarnir
27. maí Selfoss - Sindri
Athugasemdir
