Hvað segir tölfræðin þegar bestu kaup tímabilsins í ensku úrvalsdeildinni eru skoðuð? Hér má sjá tíu bestu kaupin samkvæmt tölfræðiútreikningum WhoScored.
10) Hassane Kamara, Watford - Kom frá Nice í janúar og hefur verið ljós punktur á erfiðu tímabili.
9) Bruno Guimaraes, Newcastle - Hefur breytt miðsvæðinu hjá Newcastle síðan hann kom.
8) Philippe Coutinho, Aston Villa - Frammistaðan hefur aðeins dalað eftir magnaða byrjun en Coutinho hefur leikið frábærlega fyrir Villa.
7) Rodrigo Bentancur, Tottenham - Hefur komið með þætti á miðsvæðið sem Tottenham skorti.
6) Jack Grealish, Manchester City - Margir bjuggust við meiru frá Grealish en hann hefur alls ekki verið slakur eins og margir segja.
5) Conor Gallagher, Crystal Palace - Hefur verið geggjaður fyrir Palace, á lánssamningi frá Chelsea.
4) Cristiano Ronaldo, Manchester United - Aðeins Salah og Son hafa skorað fleiri deildarmörk á þessu tímabili.
3) Dejan Kulusevski, Tottenham - Enginn leikmaður í ensku úrvalsdeildinni hefur átt fleiri stoðsendingar en hann síðan hann kom í ensku úrvalsdeildina.
2) Christian Eriksen, Brentford - Ein besta saga tímabilsins. Mörg félög voru hrædd við að semja við hann en Brentford ekki. Þar hefur hann blómstrað.
1) Luis Díaz, Liverpool - Það er hreinlega erfitt að trúa því að Kólumbíumaðurinn hafi bara verið nokkra mánuði hjá Liverpool. Hefur smellpassað í liðið og er að gera gæfumuninn í leikjum.
Athugasemdir
