Það er engin framlenging í bikarnum og var því farið beint í vítaspyrnukeppni eftir markalausan leik.

David Ospina átti stórleik í markinu en Úrúgvæ klúðraði tveimur spyrnum á meðan Kólumbía nýtti allar sínar.

Yerry Mina tók þriðju spyrnuna og skoraði af miklu öryggi en hann fagnaði eins og liðið væri komið áfram í undanúrslitin. Þetta er þó ekki í fyrsta sinn sem hann gerir þetta því hann gerði það sama í leik með Barcelona gegn Espanyol í Ofurbikar Katalóníu árið 2018.

Fagnið var skemmtilegt en virtist skila ágætis árangri þar sem Kólumbía vann vítakeppnina og er komið í undanúrslit gegn Argentínu. Hægt er að sjá fagnið hér fyrir neðan.