Watford hefur staðfest ráðningu á Claudio Ranieri en hann gerir tveggja ára samning.
Þessi reynslumikli stjóri hefur stýrt stórum félagsliðum og meðal annars unnið ensku úrvalsdeildina, ítalska bikarinn og spænska bikarinn á ferli sínum.
Þessi reynslumikli stjóri hefur stýrt stórum félagsliðum og meðal annars unnið ensku úrvalsdeildina, ítalska bikarinn og spænska bikarinn á ferli sínum.
Hans helsta afrek var að stýra Leicester til Englandsmeistaratitilsins 2016 en það var einn óvæntasti sigur fótboltasögunnar.
Ranieri tekur með sér aðstoðarmenn sína í nýtt verkefni; Paolo Benetti og Carlo Cornacchia ásamt þrekþjálfaranum Carlo Spignoli. Hans fyrsti leikur við stjórnvölinn verður heimaleikur gegn Liverpool eftir landsleikjagluggann, laugardaginn 16. október.
Xisco Munoz var rekinn frá Watford í gær eftir aðeins sjö umferðir en liðið er fjórum stigum frá fallsæti og situr í 15. sæti.
Þetta eru fjórtándu stjóraskiptin undir Pozzo fjölskyldunni, eigendum Watford, en hún tók yfir félagið 2012.
🤝 Watford FC is delighted to confirm the appointment of Claudio Ranieri as the club’s new Head Coach.
— Watford Football Club (@WatfordFC) October 4, 2021
Welcome to Watford, Claudio! 💛
Athugasemdir