Marcelo Gallardo, þjálfari River Plate í Argentínu, er ekki vinsæll eftir að hafa ráðlagt leikmanni sínum að ökklabrjóta Carlos Tevez, leikmann Boca Juniors í leik liðanna um helgina.
River Plate og Boca gerðu 2-2 jafntefli á laugardag en Carlos Tevez lagði upp jöfnunarmarkið undir lokin fyrir Sebastian Villa.
Robert Rojas var að dekka Tevez en tókst ekki að halda í við hann og úr varð jöfnunarmark.
Gallardo talaði við Rojas eftir leikinn og náðist á mynd segja við Rojast að brjóta ökklann á Tevez.
„Brjóttu á honum ökklann! Þú verður að herða þig drengur," sagði Gallardo við Rojas. Þessi ummæli féllu ekki í kramið hjá mörgum Argentínumönnum en myndband af þessu má sjá hér fyrir neðan.
"Hacete más duro, carajo" - De Marcelo Gallardo a Robert Rojas tras el clásico.
— Señor Fútbol Py (@SrFutbolPy) January 4, 2021
¡Se enojó el Muñeco! 🇦🇷pic.twitter.com/XI4j8nTAl1
Athugasemdir