„Það er gaman að sjá okkur spáð 2. sætinu en mér finnst Lengjudeildin í ár líta út fyrir að vera svo, svo, svo erfið. Við erum með FH, Tindastól, HK og Haukar - mjög góð lið. Ég verð mjög glaður með 2. sætið en það sem skiptir máli er að við byrjum á fimmtudag," sagði John Andrews, þjálfari Víkings, sem spáð er 2. sætinu í Lengjudeild kvenna.
„Við viljum alltaf byggja ofan á síðasta leik og verða betri. Við enduðum í fjórða sæti í fyrra og við viljum gera betur en það."
John segir að það séu ekki miklar breytingar á leikmannahópi Víkings milli ára. „Við erum með frábæra yngri leikmenn úr Fossvogi."
Er gaman að vera þjálfari hjá Víkingi? John sagði skemmtilega sögu í tengslum við komu hans í Víking frá Aftureldingu.
„Ég elska kúltúrinn hér og við viljum ná sama standard og meistaraflokkur karla. Þetta er frábært félag og góður staður fyrir mig að vera á," sagði John.
Fyrsti leikur Víkings í deildinni er gegn Augnabliki í kvöld.
Athugasemdir
