Frá Stadion Miejski.
Aðstæður eru flottar hér á Stadion Miejski í Mielec, sem er í 150 kílómetra fjarlægð frá landamærunum við Úkraínu. Þetta er heimavöllur Stal Mielec sem leikur í næst efstu deild Póllands og var í botnbaráttu þar á tímabilinu sem var að líða.
Framundan er leikur Íslands og Úkraínu í undankeppni HM en hér spilar Úkraína á heimavelli út af stríðinu ömurlega.
Framundan er leikur Íslands og Úkraínu í undankeppni HM en hér spilar Úkraína á heimavelli út af stríðinu ömurlega.
Lestu um leikinn: Úkraína 0 - 1 Ísland
Reiknað er með um 300 áhorfendum á leiknum, þar af um tíu Íslendingum. Þá eru þrír íslenskir fjölmiðlamenn á staðnum. Völlurinn tekur tæplega 7000 manns í sæti.
Úkraínsk þjóðlagatónlist ómar um völlinn fyrir leik og stemningin er góð. Veðrið leikur einnig við gesti og gangandi, gráskýjað en um 20 stiga hiti.
Leikurinn fer af stað klukkan 16:00 að íslenskum tíma og verður í beinni textalýsingu á Fótbolta.net.
