Þórhildur Gyða steig fram í fréttatíma RÚV þann 27. ágúst og sagði frá ofbeldi og kynferðislegri áreitni sem hún varð fyrir af hálfu landsliðsmanns á B5.

Aðdragandinn var þöggun og gerendameðvirkni KSÍ en sambandið kvaðst ekki hafa fengið ábendingar eða tilkynningar um kynferðislegt ofbeldi af hálfu landsliðsmanna.

Eftir að Þórhildur steig fram þá sagðist Guðni Bergsson, þáverandi formaður KSí, hafa farið rangt með mál og nokkrum dögum síðar sagði hann af sér. Stjórn KSÍ fylgdi svo á mánudag en aukaþing hefur verið boðað þann 2. október næstkomandi. Kolbeinn var þá tekinn út úr landsliðshópnum ásamt Rúnari Má Sigurjónssyni fyrir verkefnin í september. Þá segir hún að lögmaður á vegum KSÍ hafi boðið henni þagnarskyldusamning, sem hún hafnaði.

Kolbeinn Sigþórsson er umræddur landsliðsmaður en hann sendi frá sér yfirlýsingu og sagðist ekki hafa munað eftir umræddu atviki en baðst þó afsökunar á ósæmilegri hegðun. Þessi yfirlýsing varð til þess að áhrifavaldurinn, Jóhanna Helga Jensdóttir, ákvað að stíga fram en hún er önnur tveggja kvenna sem urðu fyrir ofbeldi á staðnum. Þær fengu báðar 1,5 milljón króna í miskabætur og þá fengu Stígamót 3 milljónir.

Þórhildur sagði í fréttatímanum að hún hefði verið með áverka í tvær til þrjár vikur eftir atvikið en samkvæmt lögregluskýrslu var hún þó ekki með sýnilega áverka. Læknirinn á læknavaktinni sagði þó að hún væri með bólgur aftan í hnakka.

Sigurður Guðni, lögmaður, veltir því fyrir sér af hverju hún hafi ákveðið að fara til læknis á sunnudagskvöldi þegar árásin átti sér stað aðfararnótt laugardags.

„Merkilegt hve Stígamót hafa valdið mikill óvissu hjá landsliði karla í knattspyrnu."

„Landsliðinu tókst þó að landa stigi í öðrum leik eftir að lömuð stjórn KSÍ taldi rétt að fulltrúar Stígamóta kæmu að vali landsliðsmanna en ekki þjálfarar þess.

„Stígamót völdu lið til að þóknast konu sem sakað hafði landsliðsmann um ofbeldi aðfaranótt laugardags um miðja september 2017, en gert við hann sátt í maí 2018 og fengið bætur sér til handa og fé í sjóði Stígamóta."

„Af einhverjum óljósum ástæðum fór konan ekki strax til læknis eftir hina meinta ofbeldi, sem ekki átti að hafa verið lítið, heldur lét lækknisheimssókn bíða til sunnudagskvölds.
Læknirinn virðist ekki hafa séð eða fundið mikla áverka, ef marka má skýrslu konunnar hjá lögreglu eftir hún hafði lagt fram kæru," segir Sigurður Guðni meðal annars á Facebook-síðu sinni en hann birtir þá einnig myndir af lögregluskýrslunni sem má sjá hér fyrir neðan.