Af hverju Aron Sig er leikmaður ársins

„Ég hef allavega aldrei notið þess eins mikið að spila fótbolta og núna, og jú ætli þetta sé ekki bara minn besti fótbolti á ferlinum. Það hentar mér ágætlega að spila boltann sem KR spilar,“ sagði Aron Sigurðarson við Fótbolta.net á dögunum.

Það eru í raun bara tveir leikmenn sem koma til greina sem leikmenn ársins í Bestu deild karla. Það eru Gylfi Þór Sigurðsson úr Víkingi og Aron Sigurðarson úr KR.

Í síðustu viku færðum við rök fyrir því af hverju Gylfi væri leikmaður ársins, en núna gerum við slíkt hið sama fyrir Aron. Við köfum gögnin og skoðum sumarið hjá honum.