Strákarnir mættir aftur til Keflavíkur

Liðið átti upphaflega að fljúga í gær en fluginu var þá aflýst vegna veðurs.

Jörundur Áki Sveinsson, yfirmaður fótboltamála hjá KSÍ, segir við Fótbolta.net að strákarnir séu mættir út á Keflavíkurflugvöll og þetta líti vel út núna. Í gær var farið í fýluferð út á flugvöll, en þetta líti betur út núna.

Framundan er gríðarlega mikilvægur leikur við Færeyja um annað sæti riðilsins en hann á að fara fram á morgun.

Ísland þarf að vinna Færeyjar og treysta á að Sviss nái ekki að vinna Frakkland. Gangi það eftir tryggir Ísland sér sæti í umspilið og færist því nær því að komast á Evrópumótið í þriðja sinn í sögunni. Færeyjar eiga ekki lengur möguleika í riðlinum.