Kórdrengir voru að styrkja leikmannahópinn sinn fyrir komandi átök í 3. deildinni næsta sumar.
Unnar Már Unnarsson og Daníel Gylfason eru búnir að skrifa undir samninga við félagið en báðir eiga þeir meistaraflokksleiki að baki fyrir Keflavík.
Unnar Már er miðvörður sem getur einnig spilað sem bakvörður og er fæddur 1994. Daníel er fæddur 1993 og er fjölhæfur miðjumaður.
„Við Kórdrengir erum gríðarlega ánægðir að fá þessa ungu menn sem munu styrkja og stækka þennan unga og flotta leikmannahóp sem fyrir er," segir í Facebook færslu frá Kórdrengjum.
„Kórdrengir halda áfram sínum metnaði að gera Kórdrengi að vel spilandi gæðaklúbbi sem ætlar sér hærra og lengra á hverju ári."
Athugasemdir
