Tobias er aftur mættur í KR.
Danski sóknarmaðurinn Tobias Thomsen er formlega genginn aftur til liðs við KR en þetta kemur fram á heimasíðu félagsins.
„Tobias hefur þegar hafið æfingar með KR liðinu og er hann góð viðbót við þá sem þegar hafa komið," segir á kr.is.
Fótbolti.net sagði frá því í síðasta mánuði að Thomsen væri á leið aftur til KR-inga.
„Tobias hefur þegar hafið æfingar með KR liðinu og er hann góð viðbót við þá sem þegar hafa komið," segir á kr.is.
Fótbolti.net sagði frá því í síðasta mánuði að Thomsen væri á leið aftur til KR-inga.
Tobias er danskur framherji, fæddur árið 1992, sem kom fyrst hingað til lands sumarið 2017 og gekk þá í raðir KR. Hann skoraði níu mörk í Pepsi-deildinni sumarið 2017.
Hann samdi svo við nágranna KR í Val fyrir tímabilið sem var að klárast en hann fékk ekki að spila mikið hjá Íslandsmeisturunum í sumar og ákvað því að leita sér aftur að nýju liði.
KR hafnaði í fjórða sæti Pepsi-deildarinnar í sumar og mun leika í Evrópukeppni á næsta tímabili.
Tobias er fjórði leikmaðurinn sem KR nælir í eftir að síðasta tímabili lauk. Hinir leikmennirnir eru Arnþór Ingi Kristinsson, Alex Freyr Hilmarsson og Ægir Jarl Jónasson.
Athugasemdir
