Chelsea 3 - 1 Leeds
0-1 Patrick Bamford('4)
1-1 Olivier Giroud('27)
2-1 Kurt Zouma('61)
3-1 Christian Pulisic('93)

Chelsea er komið á toppinn í ensku úrvalsdeildinni eftir leik við Leeds á Stamford Bridge í kvöld þar sem vantaði ekki upp á fjörið.

Leeds byrjaði leikinn virkilega vel í London og komst yfir með marki á fjórðu mínútu sem Patrick Bamford skoraði.

Bamford hefur verið heitur fyrir framan markið í vetur en hann er einnig fyrrum leikmaður Chelsea en fékk fá tækifæri.

Staðan var 1-0 þar til á 27. mínútu er Olivier Giroud jafnaði metin fyrir Chelsea og skoraði sitt fimmta mark í tveimur leikjum.

Chelsea vann Sevilla 4-0 í Evrópudeildinni á fimmtudag þar sem Frakkinn skoraði öll mörkin.

Það var svo Frakkinn Kurt Zouma sem kom Chelsea yfir í seinni hálfleik og skoraði sitt fjórða mark á tímabilinu.

Christian Pulisic innsiglaði svo sigur Chelsea í uppbótartímna með fínu marki eftir sendingu frá Timo Werner. Lokastaðan, 3-1.

Chelsea er einu stigi á undan Tottenham og Liverpool á toppnum en þau lið eiga bæði leiki á morgun.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit