England: Markalaust hjá Villa og Wolves

Þriðja leik dagsins í ensku úrvalsdeildinni var að ljúka en Aston Villa og Wolves áttust þá við á Villa Park.

Villa var fyrir leikinn í níunda sæti deildarinnar og getur enn látið sig dreyma um Evrópusæti. Sigur í kvöld hefði því gert mikið fyrir liðið.

Það var engin flugeldasýning í boði í Birmingham en leiknum lauk með markalausu jafntefli þar sem gestirnir voru þó betri aðilinn.

Roman Saiss fékk besta færi leiksins en honum mistókst að setja boltann í autt mark við marklínuna í seinni hálfleik.

Villa er enn í níunda sæti deildarinnar og er sex stigum frá Everton sem situr í því fimmta. Wolves er í 12. sæti og er í þægilegri stöðu um miðja dieild.