Heimild: Molineux.news
Norrköping segir viðræður ekki í gangi
Sænski fjölmiðillinn Expressen segir frá því að enska úrvalsdeildarfélagið Wolves hafi áhuga á því að fá Ísak Bergmann Jóhannesson frá Norrköping í Svíþjóð.
Áður hefur talað um áhuga Wolves á Ísaki en Expressen segir frá því að Wolves hafi byrjað viðræður við Norrköping um kaup á Íslendingnum unga. Talað er um 6,5 milljón evra verðmiða á 18 ára gamla Skagamanninum.
Patrik Jönsson, yfirmaður knattspyrnumála hjá Norrköping, sagði hins vegar frá því í samtali við NT að engar viðræður væru í gangi við enska úrvalsdeildarfélagið.
„Það eru engar viðræður í gangi (við Wolves)," sagði Jönsson. „Auðvitað viljum við halda okkar bestu leikmönnum en við gerum okkur grein fyrir því að það er mikill áhugi á sumum þeirra. Þá verðum við að íhuga að sleppa takinu af þeim fyrir rétta verðið og ef leikmaðurinn sjálfur hefur áhuga á því að fara."
Ísak hefur spilað tvo A-landsleiki og spilaði hann stórt hlutverk fyrir Norrköping á síðustu leiktíð.
Hann hefur einnig verið orðaður við stór félög á borð við Manchester United, Liverpool, Juventus og Real Madrid.
Sænska úrvalsdeildin byrjar á nýjan leik á laugardag og á Norrköping heimaleik við Sirius á sunudag.
IFK Norrköping director Patrik Jönsson has denied that any negotiations between Wolves and Isak Bergmann Jóhannesson are ongoing.
— Talking Wolves (@TalkingWolves) April 5, 2021
Jönsson has insisted that the club want to keep Jóhannesson and would only consider a sale for the right price. [source: NL 🇸🇪]#WWFC | #Wolves pic.twitter.com/DA8hBCkVPT
Athugasemdir