Landsliðskonan Karólína Lea Vilhjálmsdóttir er orðinn þýskur meistari með Bayern Munchen en þetta varð ljóst eftir að liðið lagði Eintrach Frankfurt að velli í dag.
Alexandra Jóhannsdóttir, besta vínkona Karólínu Leu, er í Frankfurt og hún kom inn á sem varamaður í síðari hálfleiknum. Leiknum lauk með sannfærandi 4-0 sigri Bayern en Karólína kom inn á þegar sex mínútur voru eftir af venjulegum leiktíma.
Þetta er í fyrsta skiptið síðan 2016 sem Bayern Munchen er meistari í kvennaflokki og er þetta annað árið í röð sem Íslendingur verður meistari í þýsku deildinni. Í fyrra tók Sara Björk Gunnarsdóttir þann stóra með Wolfsburg.
Bayern endar tímabilið með tveimur stigum meira heldur en Wolfsburg en síðustu ár hefur Wolfsburg verið með titilinn í sínum höndum.
Karólína gekk í raðir Bayern München í janúar á þessu ári og spilaði hún sex leiki með liðinu í þýsku úrvalsdeildinni á þessari leiktíð.
𝐖𝐄 𝐃𝐈𝐃 𝐈𝐓 ❗❗❗
— 🏆 MEISTERINNEN 🏆 (@FCBfrauen) June 6, 2021
DEUTSCHER MEISTER 2020/21 🏆 #MiaSanMia pic.twitter.com/zOwTa5QYPB
Athugasemdir