Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 06. júní 2023 13:30
Guðmundur Aðalsteinn Ásgeirsson
Davíð Kristján datt óvænt út - „Getur aftur barist um sæti í september"
Icelandair
Davíð Kristján Ólafsson.
Davíð Kristján Ólafsson.
Mynd: Fótbolti.net - Hafliði Breiðfjörð
Það sem kom kannski mest á óvart í fyrsta landsliðsvali Age Hareide var það að Davíð Kristján Ólafsson er ekki í hópnum.

Davíð Kristján var orðinn stór partur af hópnum hjá Arnari Þór Viðarssyni og var byrjunarliðsmaður í stöðu vinstri bakvarðar. En núna er hann ekki í hópnum þrátt fyrir að hafa spilað alla leikina til þessa í sænsku úrvalsdeildinni.

Hareide var spurður út í það á fréttamannafundinum í dag, en hann tekur fleiri miðju- og sóknarmenn með inn í hópinn.

„Ég get ekki sagt þér ástæðuna fyrir því. Ég vil segja leikmanninum frá því. Þegar við byrjum að tala um leikmennina sem er eru ekki í hópnum, þá erum við að tala um kannski einhverja 44 leikmenn," sagði Hareide en bætti svo við:

„Við höfum ekki rætt við Davíð, en ég hef séð hann spila og hef farið á leiki með honum. Ég var óviss með þessa stöðu. Hann getur aftur barist um sæti í september en í þessu verkefni vil ég spila með aðra leikmenn."

Síðar á fundinum var Hareide spurður út í breiddina í vinstri bakvarðar stöðunni fyrst Davíð Kristján er ekki með. Líklegt er að Hörður Björgvin fari út í stöðu vinstri bakvarðar og muni byrja þar. „Strákurinn frá Häcken (Valgeir Lunddal) getur spilað bæði hægri og vinstri bakvörð. Ég þekki þjálfara Häcken og hann fullvissaði mig um það. Það er ein ástæðan fyrir því að tökum fleiri sóknarþenkjandi menn inn í hópinn."

Frá síðasta hóp þá detta sex leikmenn út en það eru Pat­rik Sig­urður Gunn­ars­son, Davíð Kristján Ólafs­son, Guðmund­ur Þór­ar­ins­son, Aron Elís Þránd­ar­son, Stefán Teit­ur Þórðar­son og Andri Lucas Guðjohnsen.

Stefán Teitur hefur verið að glíma við meiðsli og er líklega þess vegna ekki í hópnum. Sveinn Aron Guðjohnsen getur eflaust verið svekktur með að vera ekki í hópnum að þessu sinni en hann hefur farið vel af stað í Svíþjóð með toppliðinu þar, Elfsborg.
Athugasemdir
banner
banner
banner
banner
banner