sun 06. september 2020 11:44
Victor Pálsson
Carragher vonar að Messi semji við Man City
Mynd: Getty Images
Jamie Carragher, fyrrum leikmaður Liverpool, vonar að Lionel Messi semji á endanum við Manchester City.

Messi er orðaður við brottför þessa dagana en hann sjálfur vill komast burt. Barcelona vill þó ekki hleypa honum annað og er ólíklegt að hann kveðji í sumar.

Möguleiki er hins vegar að Messi færi sig um set á næsta ári og taki eitt tímabil í viðbót með Barcelona þar sem hann hefur leikið allan sinn feril.

Carragher er mikill aðdáandi Messi og vill einfaldlega fá að horfa á hann spila í ensku úrvalsdeildinni eins og margir aðrir.

„Ég vil sjá Messi í ensku úrvalsdeildinni, jafnvel þó að hann spili fyrir Manchester City og þá yrði erfiðara fyrir Liverpool að vinna deildina," sagði Carragher við Goal.

„Mig langar að horfa á hann í hverri viku, að mæta á leikina í persónu og fylgjast með honum. Ég yrði hæstánægður ef hann semur við City."

Athugasemdir
banner
banner