Sandra og lið hennar byrjar á sigri.
Hann var rosalegur leikurinn þegar Freiburg tók á móti Íslendingaliði Bayer Leverkusen í 1. umferð þýsku úrvalsdeildarinnar í dag.
Sandra María Jessen var í byrjunarliði Leverkusen og spilaði allan leikinn í það sem reyndist vera vægast sagt dramatískur sigur.
Freiburg tók forystuna með marki úr vítaspyrnu þegar lítið var eftir af fyrri hálfleiknum og var staðan 1-0 alveg fram á 87. mínútu. Þá jafnaði Leverkusen og í uppbótartímanum kom svo sigurmarkið.
Frábær sigur fyrir Leverkusen sem var í mikilli fallbaráttu á síðasta tímabili.
Sjá einnig:
Sandra María: Þakklát fyrir að fá að upplifa drauminn
Athugasemdir
