Spánn: Raphinha sjóðandi heitur - Yamal með tvö

Spánarmeistarar Barcelona unnu öruggan 5-0 stórsigur á Valencia í 4. umferð La Liga í dag og eru áfram með fullt hús stiga.

Lamine Yamal kom Börsungum yfir strax á 6. mínútu. Fermin Lopez lyfti boltanum inn fyrir vörnina á Yamal sem vippaði yfir markvörð Valencia og í netið.

Fermin skoraði sjálfur á 22. mínútu eftir stoðsendingu frá Anthony Gordon sem hefur farið vel af stað eftir komuna frá Newcastle í sumar.

Raphinha hélt svo áfram uppteknum hætti á 50. mínútu þegar hann skoraði þriðja markið eftir sendingu Fermins. Brasilíumaðurinn hefur skorað í öllum fjórum deildarleikjum tímabilsins og er þegar kominn með sex mörk.

Pedro og Yamal bættu við mörkum undir lokin og gulltryggðu stórsigurinn. Barcelona er á toppnum með tólf stig, þremur meira en erkifjendurnir í Real Madrid. Valencia er hins vegar á botninum með eitt stig.