Víðir Sig: Vinnur fjórða eða fimmta sætið umspilið? Afturelding setti met og fallbaráttan líka söguleg

Þróttur úr Reykjavík, Fylkir, HK eða Njarðvík. Eitt þessara fjögurra liða mun vinna umspil 1. deildar karla sem hefst á miðvikudaginn, fylgir Aftureldingu upp í Bestu deildina og leikur þar árið 2027.

Njarðvíkingar hafa beðið lengst af þessum fjórum liðum eftir því að vinna sér sæti í fremstu röð íslenskra knattspyrnufélaga. Þeir hafa aldrei leikið í efstu deild og eru í umspilinu í annað sinn. Þróttur lék síðast í efstu deild árið 2016 en HK og Fylkir féllu bæði þaðan haustið 2024.

Þróttarar höfnuðu í öðru sæti fyrstu deildarinnar í ár með 43 stig og þeir mæta Njarðvík sem hafnaði í fimmta sæti með 38 stig. Fylkismenn höfnuðu í þriðja sæti með 40 stig og þeir mæta HK sem endaði í fjórða sæti með 38 stig. Sigurliðin í þessum einvígjum, heima og heiman, mætast í úrslitaleiknum á Laugardalsvellinum. Leikjadagskrá umspilsins er þannig:

Miðvikudagur 9. september:
Njarðvík – Þróttur R. kl. 17.00
HK – Fylkir kl. 19.15
Sunnudagur 13. september:
Fylkir – HK kl. 14.00
Þróttur R. – Njarðvík kl. 16.15
Úrslitaleikur á Laugardalsvellinum 19. september:
Þróttur/Njarðvík – Fylkir/HK kl. 16.00