Helgi Mikael dæmdi leik í úrvalsdeildinni í Wales

Leikurinn endaði með 1-1 jafntefli, en gestirnir í Cardiff komust yfir í fyrri hálfleik úr vítaspyrnu. Airbus jafnaði í seinni hálfleiknum, nánar tiltekið á 80. mínútu, þegar leikmaður Cardiff gerði sjálfsmark.

Helgi Mikael dæmdi leikinn og honum til aðstoðar voru þeir Gylfi Már Sigurðsson og Andri Vigfússon.

Um er að ræða skiptiverkefni dómara við Wales. Í lok ágúst dæmdu dómarar frá Wales leik Grindavíkur og KA í Pepsi Max-deildinni.