Enski framherjinn Marcus Rashford skoraði tvö mörk í 3-0 sigri Manchester United á Blackburn Rovers er liðin mættust í æfingaleik í dag.
Leikurinn fór fram bakvið luktar dyr en Rashford var í byrjunarliði United.
Hann hefur ekkert spilað með liðinu á þessari leiktíð eftir að hafa gengist undir aðgerð á öxl eftir Evrópumótið í sumar.
Rashford snéri aftur til hefðbundinna æfinga fyrir tæpri viku síðan og spilaði svo í 3-0 sigri á Blackburn Rovers í 60 mínútna leik í dag.
Hann gerði tvö mörk í leiknum og virðist styttast í endurkomu hans en það er ljóst að hann gæti fengið mínútur eftir landsleikjatörnina.
„Ég vona að hann verði með gegn Leicester. Hann hefur verið að æfa og lagt mikið á sig," sagði Solskjær við fjölmiðla í síðustu viku.
Athugasemdir