Malen, Maguire, Rashford, Greenwood, Yoro, Eriksen og fleiri góðir í slúðri dagsins
   mið 06. nóvember 2019 14:58
Elvar Geir Magnússon
Byrjunarlið Arsenal: Rob Holding fyrirliði í Portúgal
Rob Holding.
Rob Holding.
Mynd: Getty Images
Arsenal leikur Evrópudeildarleik á óvenjulegum tíma í dag, klukkan 15:50. Liðið heimsækir þá Vitoria SC í Portúgal en leikurinn verður sólarhring á undan hinum 23 leikjunum í Evrópudeildinni.

Ástæðan fyrir þessum furðulega leiktíma er sú að á fimmtudeginum leikur Braga gegn Besiktas. 24 kílómetrar eru milli heimavalla Vitoria og Braga. Með því að spila leikina ekki á sama degi er UEFA að minnka álagið á yfirvöldum í Portúgal og létta á samgöngumálum.

Arsenal er á toppi F-riðils Evrópudeildarinnar með fullt hús að loknum þremur umferðum en Vitoria er stigalaust á botninum.

Byrjunarlið Vitoria: Douglas Jesus, Garcia, Frederico Venancio, Tapsoba Rafa Soares, Pepe, Agu, Evangelista, Edwards, Duarte, Davidson.

Byrjunarlið Arsenal: Martinez, Mustafi, Sokratis Papastathopoulos, Holding, Tierney, Ceballos, Maitland-Niles, Willock, Pepe, Martinelli, Saka.

(Varamenn: Leno, Bellerin, Lacazette, Torreira, Nelson, Guendouzi Kolasinac)

Unai Emery gerir átta breytingar á byrjunarliði Arsenal en hann leikur með þriggja miðvarða kerfi í dag. Rob Holding er með fyrirliðabandið í dag en Pierre-Emerick Aubameyang, nýr fyrirliði, er ekki með. Granit Xhaka er heldur ekki með.

Emi Martinez, Shkodran Mustafi, Ainsley Maitland-Niles, Joe Willock, Bukayo Saka, Nicolas Pepe og Gabriel Martinelli koma inn í byrjunarliðið frá 1-1 jafntefli gegn Wolves.


Athugasemdir
banner
banner
banner
banner