Anfield verður notaður undir fjöldaskimanir frá og með næstu viku og hafa bæði karla- og kvennalið Liverpool hvatt íbúa borgarinnar til að mæta í skimun.

Anfield verður ein af sjö skimunarstöðvum í Liverpool sem verða opnar yfir daginn, eða frá 9 á morgnana til 7 á kvöldin.

Allir íbúar Liverpool sem finna ekki fyrir einkennum Covid eru hvattir til að mæta í skimun.

Liverpool hefur lent nokkuð illa í Covid og hafa 89 manns látist vegna veirunnar síðustu vikuna.