Magni Grenivík hefur gengið frá samningum við Angantý Mána Gautason en hann kemur til félagsins frá KA. Hann gerir tveggja ára samning við félagið.
Angantýr, sem er fæddur árið 2000, er uppalinn í KA en spilaði sína fyrstu meistaraflokksleiki í deild árið 2018 með Dalvík/Reyni í 3. deildinni.
Hann lék á síðustu leiktíð með Magna í 2. deildinni og skoraði 5 mörk í 20 leikjum en þá var hann á láni frá KA.
Angantýr er nú alfarið kominn yfir í Magna og gerði tveggja ára samning við félagið í gær.
Magni hafnaði í 4. sæti í 2. deild á síðustu leiktíð með 37 stig, aðeins fjórum stigum frá því að komast upp um deild.
Athugasemdir