07.03.21 - 18:05
Guðmundur Aðalsteinn Ásgeirsson
Holland: Albert byrjaði er AZ tapaði í fyrsta sinn í meira en mánuð
Mynd: Getty Images
Mynd: Getty Images
Albert Guðmundsson byrjaði fyrir AZ Alkmaar er liðið tapaði fyrir Vitesse í hollensku úrvalsdeildinni í dag.
Heimamenn tóku forystuna eftir rúmlega hálftíma leik og var staðan 1-0 í hálfleik. Á 72. mínútu kom annað mark heimamanna og brekkan brött fyrir AZ.
AZ náði ekki að klífa brekkuna í tæka tíð. Hinn sænski Jesper Karlsson minnkaði muninn á 81. mínútu en þeir komust ekki lengra og lokatölur 2-1.
Albert var tekinn af velli á 76. mínútu en AZ er í þriðja sæti deildarinnar með einu stigi meira en Vitesse. Ajax er á toppnum með sex stiga forskot.
AZ hafði unnið fjóra leiki í röð fyrir leikinn í dag. Þetta er fyrsta tap liðsins frá 31. janúar.
AZ náði ekki að klífa brekkuna í tæka tíð. Hinn sænski Jesper Karlsson minnkaði muninn á 81. mínútu en þeir komust ekki lengra og lokatölur 2-1.
Albert var tekinn af velli á 76. mínútu en AZ er í þriðja sæti deildarinnar með einu stigi meira en Vitesse. Ajax er á toppnum með sex stiga forskot.
AZ hafði unnið fjóra leiki í röð fyrir leikinn í dag. Þetta er fyrsta tap liðsins frá 31. janúar.
