2. deild kvenna: Fjölnir fagnar titlinum - Fylkir í Lengjudeild

Fjölni nægði jafntefli til að tryggja toppsætið en tap hefði þýtt að enda í öðru sæti.

Fjölnisstelpur komust í tveggja marka forystu í fjörugum slag og var staðan 2-0 þar til Ísfirðingar snéru stöðunni sér í hag í síðari hálfleik.

Gestirnir skoruðu þrjú mörk á sextán mínútna kafla áður en Oliwia Bucko gerði mikilvægt jöfnunarmark fyrir Fjölni á 82. mínútu. Lokatölur 3-3.

Fjölnir endar með 37 stig, einu stigi fyrir ofan Fylki sem lagði Einherja að velli í dag. Birna Kristín Eiríksdóttir og Marija Radojicic sáu um markaskorunina.

Fjölnir og Fylkir fara því saman upp um deild, á meðan Einherji og Vestri sitja eftir í 2. deildinni eftir æsispennandi toppbaráttu.

Fylkir 2 - 1 Einherji
1-0 Birna Kristín Eiríksdóttir ('6 )
1-1 Claudia Maria Daga Merino ('51 )
2-1 Marija Radojicic ('62 )

Fjölnir 3 - 3 Vestri
1-0 Tinna Sól Þórsdóttir ('3 )
2-0 Marta Björgvinsdóttir ('18 )
2-1 Jayla Finley Ponce ('62 )
2-2 Freyja Rún Atladóttir ('73 )
2-3 Friðrikka Líney Sigurðardóttir ('78 )
3-3 Oliwia Bucko ('82 )