Iraola og Alisson svekktir: Vorum ekki nógu góðir

„Við vorum augljóslega ekki nægilega ferskir. Við sköpuðum ekki nóg í sóknarleiknum og þetta var ekki nægilega góð frammistaða. Við vörðumst vel, þeir sköpuðu sér bara eitt hættulegt færi allan leikinn sem var þegar markvörðurinn gerði mistök," sagði Iraola þjálfari Liverpool eftir lokaflautið.

„Seinni hálfleikurinn var betri en sá fyrri en yfir heildina litið var þetta ekki góð frammistaða hjá okkur. Við verðum að finna leiðir til þess að vinna svona leiki eins og þennan. Við mættum sterkum andstæðingum sem gerðu okkur erfitt fyrir og við gerðum ekki nóg til að vinna leikinn."

Liverpool er með sex stig eftir fjórar umferðir á nýju úrvalsdeildartímabili. Liðið er með einn sigur og þrjú jafntefli.

„Þetta var léleg frammistaða hjá okkur, ég átti lélegan leik og sem heild þá spiluðum við ekki vel. Margt sem við reyndum gekk ekki upp, pressan var slök og við eyddum mikilli orku til einskis. Það er mjög krefjandi að spila á þriggja daga fresti, við þurfum að komast inn í rétt hugarfar til þess að gera það og það mistókst í dag," sagði Alisson.

„Við verðum að standa okkur betur þó að leikjaálagið sé þungt. Hluti af vandamálinu er hugarfarið. Við erum ennþá taplausir en hjá þessu félagi er það ekkert fagnaðarefni að vera taplausir með þrjú jafntefli eftir fjóra leiki. Við héldum hreinu en við göngum alls ekki sáttir frá velli. Við vildum öll stigin."

TENGT EFNI12.09.26 - 16:06

England: Varnarleikur Chelsea til vandræða - Markalaust á Anfield