Lengjudeildin: Leiknir með frábæran sigur á Fylki - Afturelding lagði Grindavík

Bart Kooistra kom liðinu yfir snemma leiks. Aron Elí Sævarsson skallaði boltann til Bart eftir hornspyrnu og hann setti boltann í netið.

Óðinn Bjarkason bætti síðan öðru markinu við þremur mínútum síðar og aftur var það eftir hornspyrnu. Elmar Kári Enesson Cogic bætti svo þriðja markinu við eftir fyrirgjöf frá Aroni Elí.

Mosfellingarnir voru ekki hættir því Axel Óskar Andrésson bætti fjórða markinu við þegar hann skallaði boltann í netið eftir fyrirgjöf frá Birki Má Sævarssyni.

Grindavík klóraði í bakkann snemma í seinni hálfleik þegar Rúnar Ingi Eysteinsson skoraði eftir sendingu frá Gunnleifi Orra Gunnleifssyni.

Nær komust Grindvíkingar ekki og Afturelding vann. Afturelding er komið á toppinn með 34 stig. Grindavík er í 10. sæti með 17 stig.

Leiknir fékk Fylki í heimsókn. Birnir Breki Burknason kom Leikni yfir þegar hann skoraði með skoti rétt fyrir utan vítateiginn. Kári Steinn Hlífarsson bætti öðru markinu við strax í upphafi seinni hálfleiks eftir laglegt einstaklingsframtak.

Daði Bærings Halldórsson skoraði síðan þriðja mark Leiknis eftir vandræðagang í vörn Fylkis.

Fylkismenn komust ekki inn í leikinn og Leiknir vann gríðarlega sterkan sigur. Leiknir er í 7. sæti með 22 stig. Fylkir er i 3. sæti með 33 stig, stigi á eftir Aftureldingu.

Afturelding 4 - 1 Grindavík
1-0 Bart Kooistra ('6 )
2-0 Óðinn Bjarkason ('9 )
3-0 Elmar Kári Enesson Cogic ('16 )
4-0 Axel Óskar Andrésson ('32 )
4-1 Rúnar Ingi Eysteinsson ('54 )
Lestu um leikinn

Leiknir R. 3 - 0 Fylkir
1-0 Birnir Breki Burknason ('19 )
2-0 Kári Steinn Hlífarsson ('47 )
3-0 Daði Bærings Halldórsson ('56 )
Lestu um leikinn