Léku sama leik og Foden og Greenwood á Íslandi

Ar'jany Martha, Naci Ünüvar og Rio Hillen, leikmenn Ajax, ásamt Mimeirhel Benita, leikmanni Feyenoord, og Xavi Simons, leikmanni Paris Saint-Germain, voru reknir úr hópnum að sögn De Telegraaf.

Ástæðan er sögð vera sú að Benita og Martha fengu stelpu upp á hótelherbergi sitt og brutu þar með sóttvarnarbúbblu landsliðsins.

Hinir þrír leikmennirnir heyrðu háværa tónlist og fóru að kanna aðstæður. Með því að gera það brutu þeir einnig sóttvarnarbúbbluna.

Mason Greenwood og Phil Foden, leikmenn Englands, gerðu svipaða hluti á Íslandi í fyrra og voru afleiðingarnar þær sömu.